ESTIVEMOS DE ENTROIDO

Cos habitantes do castelo como tema central, o pasado 12 de febreiro celebramos a festa do entroido na sede do CRA.

Cabaleiros, arqueiros, bufons, reis e raiñas invadiron as nosas aulas. Personaxes que, o autor e ilustrador de literatura infantil, Anxo Fariña non dubidou en transformar en seres fantásticos coa axuda dos seus rotuladores e da nosa imaxinación.

Orellas, filloas e outros doces propios destas datas elaborados polas familias, puxeron a nota gastronómica a nosa festa, que rematou coa actuación das comparsas de cada escola.